1 حّ سٌلٌقٍرٍ ندٍ رَ، يٍهٌيَدَ نَشَ لِمَنِيَ شْرْشْي تٌنفٌ، عَ سَاتّ شِرِ عَ نُن مِشِ كّمّ شُنيِيٍ تَفِ؛ يٍرٌشَمَ شَ دِ عَسَرَيَ، يٍهٌشَنَن شَ دِ سُمَيِلَ، عٌبٍدٌ شَ دِ عَسَرَيَ، عَدَيَ شَ دِ مَاسٍيَ، نُن سِكِرِ شَ دِ عٍلِسَقَتِ. 2 عَ نَشَ يُدَيَ عِحّرّ، عَ نَشَ لٍوِكَيٍ نُن دٍنبَيَ شُنيِيٍ شَنِن دَرِ سَلَمُ، نَشٍيٍ نُ نَ يُدَيَ تَايٍ كُي.

3 نَ حَمَ نَشَ سَاتّ تٌنفٌ مَنفّ بّ عَلَ شَ بَنشِ كُي. يٍهٌيَدَ نَشَ عَ مَسٍن، «مَنفّ شَ دِ نَن يَ. عَ تَن نَن قَمَ مَنفّيَ سْتْدٍ عَلْ عَلَتَلَ عَ مَسٍنشِ كِ نَشّ دَوُدَ بْنسْي شَ قٍ رَ. 4 وٌ نَشَن نَبَمَ، سّرّشّدُبّيٍ نُن لٍوِكَيٍ نَشٍيٍ وَلِمَ مَلَبُي لْشْي، عَ شُندّ سِنفٍ شَ هْرْ مْبَنشِ سٌدٍ دّيٍ كَنتَ. 5 شُندّ قِرِن ندٍ شَ لُ مَنفّ بَنشِ كُي. شُندّ سَشَن ندٍ شَ لُ يٍسٌدِ شَ نَادّ رَ. حَمَ تَن قَمَ لُدٍ عَلَتَلَ شَ بَنشِ تّتّ نَن كُي. 6 مِشِ يٌ نَشَ سٌ عَلَتَلَ شَ بَنشِ كُي، قٌ سّرّشّدُبّيٍ نُن لٍوِكَيٍ نَشٍيٍ وَلِمَ نَا. نٍيٍ نَن نْمَ سٌدٍ، بَرِ مَ سّنِيّنتْييٍ نَن عٍ رَ، كْنْ حَمَ تَن مُ نْمَ سٌدٍ نَا كُي. 7 لٍوِكَيٍ شَ مَنفّ بِلِن، سَنتِدّفّمَ سُشُشِ عٍ يِ رَ. مِشِ يٌ نَشَن كَتَمَ عَ شَ سٌ نَ بَنشِ كُي، وٌ عَ قَشَ. وٌ شَ لُ مَنفّ سّيتِ مَ عَ سٌ تّمُي نُن عَ مِنِ تّمُي.»

8 لٍوِكَيٍ نُن يُدَيَكَيٍ بِرِن نَشَ بِرَ سّرّشّدُبّ يٍهٌيَدَ شَ يَامَرِ قْشْ رَ. كَنكَن نَشَ بِرَ عَ شَ شُندّ قْشْ رَ، نَشَن سٌمَ بَنشِ كُي مَلَبُي لْشْي نُن نَشَن مِنِمَ نَ لْشْي. سّرّشّدُبّ يٍهٌيَدَ مُ تِن شُندّ يٌ شَ بَ نَ وَلِ كُي. 9 سّرّشّدُبّ يٍهٌيَدَ نَشَ تَنبّيٍ نُن وُرٍ لٍقَ شُنفبٍيٍ نُن عَ لَنمَيٍ سٌ مِشِ كّمّ شُنيِيٍ يِ رَ. نَ تَنبّيٍ نُن مَكَنتَ سٍيٍ نُ قِندِشِ مَنفّ دَوُدَ نَن فبٍ رَ، نَشّيٍ نُ رَفَتَشِ عَلَ شَ بَنشِ كُي. 10 عَ نَشَ حَمَ بِرِن تِ عَ يِرٍ، عٍ شَ فٍرٍ سٌسٍ نَ عٍ يِ رَ، كٍلِقٍ بَنشِ يِرٍقَنيِ مَ، سَ دْشْ بَنشِ كْولَ رَ، كٍلِقٍ سّرّشّبَدٍ مَ، سَ دْشْ بَنشِ كَنكٍ رَ، عَلَكٌ عٍ شَ مَنفّ بِلِن. 11 عٍ نَشَ مَنفّ شَ دِ رَ مِنِ كّنّ مَ، عٍ مَنفّ تْنشُمَ سَ عَ شُن مَ، عٍ عَلَ شَ سَاتّ سّبّشِ سٌ عَ يِ رَ، عٍ تُرٍ سُرُ سُرُ عَ شُنيِ مَ، عٍ قَ عَ مَسٍن عٍ شُي عِتٍشِ رَ، «سِمَيَ شَ لُ مَنفّ بّ!»

12 عَتَلَيَ تٌ حَمَ شُي مّ مَنفّ مَتْشْ رَ عَ عِتٍشِ رَ، 13 عَ نَشَ حَمَ سَفَتَ عَلَ شَ هْرْ مْبَنشِ. مّننِ، عَ نَشَ مَنفّ تٌ، عَ تِشِ هْرْ مْبَنشِ سَنيِيٍ سّيتِ مَ سٌدٍ دّ رَ، يَرٍرَتِيٍ نُن سَرَ قٍيٍ تِشِ عَ سّيتِ مَ، يُدَيَ حَمَ سّيوَشِ، سَرَيٍ نُ قٍمَ، بّيتِبَيٍ نُ بّيتِ بَمَ كْرَيٍ شُييٍ رَ. عَتَلَيَ نَشَ عَ شَ دٌنمَ عِبْو شْنّ كُي، عَ قَ عَ قَلَ، «يَنقَنتٍيَ، يَنقَنتٍيَ!»

14 نَ تّمُي، سّرّشّدُبّ يٍهٌيَدَ نَشَ سْورِ كّمّ شُنيِيٍ رَ مِنِ، عَ قَ عٍ يَامَرِ، «وٌ شَ عَ رَ مِنِ بٍ كُي، وٌ شَ عَ قَشَ سَنتِدّفّمَ رَ. نَشَن يٌ بِرَ مَ عَ قْشْ رَ، وٌ نَ كَنيِ قَن قَشَ.» سّرّشّدُبّ نُ بَرَ عَ قَلَ، «وٌ نَشَ عَ قَشَ عَلَتَلَ شَ بَنشِ كُي دٍ.» 15 عٍ نَشَ عَ سُشُ مَنفّ شَ بَنشِ نَادّ رَ نَشَن شِلِ «سٌي نَادّ،» عٍ قَ عَ قَشَ مّننِ.

16 يٍهٌيَدَ نَشَ سَاتّ تٌنفٌ، عَ تَن يٌ، حَمَ يٌ، مَنفّ يٌ، عٍ بِرِن شَ قِندِ عَلَتَلَ شَ حَمَ رَ. 17 حَمَ بِرِن نَشَ سٌ بَلِ كُيٍ شَ بَنشِ كُي، عٍ قَ نَ كُيٍيٍ نُن سّرّشّبَدٍيٍ كَنَ. عٍ نَشَ بَلِ شَ سّرّشّدُبّ مَتَن سُشُ، عٍ عَ قَشَ سّرّشّبَدٍ يِرٍ. 18 يٍهٌيَدَ نَشَ سّرّشّدُبّيٍ نُن لٍوِكَيٍ يَامَرِ عٍ شَ عَلَتَلَ شَ بَنشِ وَلِ سُشُ عَلْ دَوُدَ نُ بَرَ عَ قَلَ عٍ بّ كِ نَشّ. عٍ بِرِن نُ عِتَشُنشِ شُندّ كِمَ، عٍ شَ سّرّشّ فَن دَاشِ بَ عَلَتَلَ بّ عَلْ عَ سّبّشِ تَوُرٍتَ مُنسَ كُي كِ نَشّ. دَوُدَ نُ بَرَ عَ قَلَ نَ بِرِن شَ رَبَ تَنتُي نُن بّيتِ رَ. 19 يٍهٌيَدَ نَشَ يِرٍ كَنتّيٍ تِ هْرْ مْبَنشِ نَادّيٍ رَ عَلَكٌ مِشِ سّنِيّنتَرٍ يٌ نَشَ سٌ مّننِ. 20 عَ نَشَ سْورِ كّمّ شُنيِيٍ، كُنتِفِيٍ، يَرٍرَتِيٍ، نُن حَمَ بِرِن مَشِلِ عٍ شَ مَنفّ مَتِ كٍلِقٍ عَلَتَلَ شَ هْرْ مْبَنشِ، هَن مَنفّ شَ بَنشِ. عٍ نَشَ مَنفّ رَ سٌ نَادّ شُنفبٍ رَ، عٍ قَ عَ دْشْ مَنفّ كِبَنيِ كُي. 21 حَمَ بِرِن نَشَ سّيوَ، تَا نَشَ لُ بْحّسَ كُي، عَتَلَيَ قَشَ شَنبِ سَنتِدّفّمَ رَ.