1 عَمَسِيَ مَنفّيَ سْتْ عَ شَ سِمَيَ حّ مْشْحّن نُن سُولِ نَن مَ، عَ قَ حّ مْشْحّن نُن سٌلٌمَنَانِ مَنفّيَ رَبَ دَرِ سَلَمُ. عَ نفَ نُ شِلِ نّ يٍهٌوَدِن. دَرِ سَلَمُكَ نَن نُ عَ رَ. 2 عَمَسِيَ نَشَ حّرّ عَلَتَلَ شَ تِنشِنيِ رَ، كْنْ عَ مُ عَ رَبَ عَ بْحّ بِرِن نَ. 3 عَ شَ مَنفّيَ تٌ مَبَنبَن، عَ نَشَ وَلِكّيٍ قَشَ نَشٍيٍ عَ بَبَ قَشَ عَ شَ مَنفّيَ كُي. 4 كْنْ عَ مُ نَ وَلِكّيٍ شَ دِيٍ تَن قَشَ، بَرِ مَ عَلَتَلَ شَ يَامَرِ سّبّشِ تَوُرٍتَ مُنسَ كُي، «بَبَ مُ لَن عَ شَ قَشَ عَ شَ دِ شَ يُنُبِ شَ قٍ رَ. دِ قَن مُ لَن عَ شَ قَشَ عَ بَبَ شَ يُنُبِ شَ قٍ رَ. كَنكَن لَن عَ شَ قَشَ عَ يّتّ نَن مَ يُنُبِ شَ قٍ رَ.»

5 عَمَسِيَ نَشَ يُدَيَكَيٍ مَلَن، عَ قَ عٍ تِ عٍ شَبِلّ كِ مَ. عَ نَشَ مِشِ وُلُ شُنيِيٍ نُن مِشِ كّمّ شُنيِيٍ سُفَندِ يُدَ نُن بُنيَمِن بْنسْي بّ. عَ تٌ شّمّ كْنتِ نَشٍيٍ نُ بَرَ فّ حّ مْشْحّن سْتْدٍ، عَ نَشَ شّمّ وُلُ كّمّ سَشَن سْتْ نَشٍيٍ قَتَ تَنبّ نُن وُرٍ لٍقَ رَ فٍرٍ كُي. 6 عَ مَن نَشَ كْبِرِ قِ عِسِرَيِلَ سْورِ حَلَمَ مِشِ وُلُ كّمّ مَ عَلَكٌ نٍيٍ شَ سَ عٍ شُن.

7 عَلَ شَ مِشِ ندٍ نَشَ قَ، عَ قَ عَ قَلَ عَ بّ، «مَنفّ، عِ نَشَ عِسِرَيِلَ سْورِ فَلِ شَنِن، بَرِ مَ عَلَتَلَ مُ عِسِرَيِلَ نُن عٍقِرَ مِ بْنسْي بّ. 8 شَ عِ عٍ شَنِن فٍرٍ سٌدٍ، هَلِ عِ فٍرٍ سٌ عَ مْولِ بِرِن نَ، عَلَ قَمَ نّ عِ لُدٍ عِ يَشُييٍ سَفٌي. سّنبّ نَ عَلَ نَن يِ رَ مِشِ مَلِقٍ رَ شَ نَ مُ عَ رَ مِشِ رَلْو سِقٍ رَ.» 9 عَمَسِيَ نَشَ عَ قَلَ عَلَ شَ مِشِ بّ، «ﭑ حَن بَرَ فبٍتِ كِلٌ وُلُ سَشَن كِلٌ كّمّ نَانِ سٌ عٍ يِ رَ.» عَلَ شَ مِشِ نَشَ عَ يَابِ، «عَلَتَلَ نْمَ عِ كِدٍ دَنفِقٍ نَ رَ.» 10 نَ كُي، عَمَسِيَ نَشَ عٍقِرَ مِ سْورِيٍ رَفبِلٍن عٍ شْنيِ. عٍ نَشَ فبِلٍن عٍ شْنيِ، كْنْ عٍ بْحّ نُ تٍشِ يُدَيَ شِلِ مَ.

11 عَمَسِيَ نَشَ عَ سّنبّ سٌ، عَ قَ عَ شَ سْورِ فَلِ رَحّرّ فٍرٍ كُي. عٍ نَشَ سٍيِرِكَ وُلُ قُ قَشَ فُلُنبَ كُي قْشْي حِنمَ دّننَشّ. 12 يُدَيَ سْورِيٍ نَشَ سٍيِرِكَ وُلُ قُ فبّتّ سُشُ، عٍ نَشَ عٍ شَنِن فٍلٍنيِ قَرِ، عٍ قَ عٍ رَدِن يّ، عٍ قَشَ.

13 عٍقِرَ مِكَيٍ، عَمَسِيَ نَشٍيٍ رَفبِلٍن عٍ شْنيِ، نٍيٍ نَشَ بَفَن يُدَيَ تَايٍ مَ كٍلِقٍ سَمَرِ مَ، سَ دْشْ بٍتِ شٌرٌن نَ. عٍ نَشَ مِشِ وُلُ سَشَن قَشَ، عٍ قَ مّننِكَيٍ هَرِفٍ شَنِن عٍ شُن مَ.

14 عَمَسِيَ تٌ فّ عٍدٌنكَيٍ بْنبْدٍ، عَ نَشَ قَ عٍ بٍنبَ سٍيِرِ شَ كُيٍيٍ رَ، عَ عٍ قِندِ عَ شَ عَلَيٍ رَ. عَ نَشَ عٍ بَتُ، عَ سُرَيِ فَن عٍ بّ سّرّشّ رَ. 15 نَ كُي عَلَتَلَ نَشَ شْنْ عَمَسِيَ مَ، عَ قَ نَمِحْنمّ شّي عَ يِرٍ عَ قَلَقٍ رَ، «مُنقٍ رَ عِ يِ سِيٍ شَ كُيٍيٍ بَتُشِ، نَشٍيٍ مُ نُ نْمَ عٍ شَ حَمَ رَتَنفَدٍ عِ مَ؟» 16 عَ تٌ نَ وْيّنيِ قَلَ عَ بّ، عَمَسِيَ نَشَ عَ مَشْرِن، «مُشُ بَرَ عِ تِ مَنفّ رَ سِمَ رَ؟ يِ مَسٍنيِ لُ نَ، شَ عِ مُ وَ مَ فبَلٌي شْن.» نَمِحْنمّ نَشَ عَ شَ مَسٍنيِ رَحْن، «ﭑ بَرَ عَ كٌلٌن عَلَ بَرَ نَتّ تٌنفٌ عَ شَ عِ سْنتْ، بَرِ مَ عِ بَرَ كُيٍيٍ بَتُ، عِ مَن بَرَ تٌندِ ﭑ مَ مَرَ سِ رَ مّدٍ.»

17 عَمَسِيَ تٌ فّ مَرَ سِ قٍندٍ مِشِ فبّتّيٍ رَ، عَ نَشَ شّيرَيٍ شّي عِسِرَيِلَ مَنفّ يٌوَ سِ مَ، يٍهٌوَشَسِ شَ دِ، «قَ، وٌن شَ قَ فٍرٍ.» 18 عِسِرَيِلَ مَنفّ يٌوَ سِ نَشَ عَ يَابِ، «لِبَن تُنبٍ دِ نَشَ شّيرَ شّي لِبَن سّدِرِ وُرِ شُنفبٍ مَ عَ قَلَقٍ رَ، ‹عِ شَ دِ فِنّ قِ ﭑ مَ دِ مَ.› نَ دَنفِ شَنبِ لِبَن وُلَءِ سُبٍ ندٍ نَشَ تُنبٍ مَبٌرٌن. 19 عِ نَشّ عِ بَرَ نْ عٍدٌن نَ. عِ بَرَ عِ يّتّ عِفبٌ نَ قٍ مَ. عِ نَشَن نَبَمَ، عِ شَ لُ عِ شْنيِ. مُنقٍ رَ عِ وَ مَ حَشَنكَتّ قٍنقٍ؟ عِ قَمَ بِرَدٍ، عِ تَن نُن يُدَ بْنسْي!»

20 عَلَ نَشَ عَ نِيَ عَمَسِيَ شَ تٌندِ نَ وْيّنيِ رَ، بَرِ مَ عَ نُ وَ مَ عَ لُقٍ عَ يَشُييٍ سَفٌي عَ شَ عٍدٌن كُيٍ بَتُي شَ قٍ رَ. 21 عِسِرَيِلَ مَنفّ يٌوَ سِ نَشَ تٍ يُدَيَ مَنفّ عَمَسِيَ فٍرٍدٍ. نَ فٍرٍ نَشَ رَبَ بٍتِ سٍمٍسِ يُدَيَ بْشِ مَ. 22 عِسِرَيِلَ نَشَ نْ يُدَيَ رَ، يُدَيَكَيٍ بِرِن نَشَ عٍ فِ عٍ سٌ عٍ شْنيِ. 23 عِسِرَيِلَ مَنفّ يٌوَ سِ نَشَ يُدَيَ مَنفّ عَمَسِيَ قِندِ فٍيلِمَنِ رَ بٍتِ سٍمٍسِ. عَ نَشَ عَ شَنِن دَرِ سَلَمُ، عَ مّننِ تّتّ كَنكٍ يَ كّمّ رَبِرَ كٍلِقٍ عٍقِرَ مِ نَادّ مَ، سَ دْشْ تُشُي نَادّ رَ. 24 عَ نَشَ شّيمَ، فبٍتِ، نُن يِرَبَسٍ بِرِن تٌنفٌ عَلَ شَ بَنشِ كُي، عٌبٍدٌ عٍدٌن حّنفِ نُ سَشِ نَشٍيٍ شْن مَ. عَ مَن نَشَ مَنفّ شَ نَاقُلِ تٌنفٌ عَ شَ بَنشِ كُي. عَ نَشَ مِشِ ندٍيٍ قَن تٌنفٌ، عَ فبِلٍن سَمَرِ.

25 عِسِرَيِلَ مَنفّ يٌوَ سِ، يٍهٌوَشَسِ شَ دِ تٌ قَشَ، يُدَيَ مَنفّ، يٌوَ سِ شَ دِ عَمَسِيَ شَ مَنفّيَ شْن مَن نَشَ كُيَ حّ قُ نُن سُولِ. 26 عَمَسِيَ شَ تَرُشُي، عَ قْلّ نُن عَ رَحْنيِ بِرِن سّبّشِ يُدَيَ نُن عِسِرَيِلَ مَنفّيٍ شَ تَرُشُي كُي. 27 عَلَتَلَ تٌ عَمَسِيَ رَبّحِن، يَنقّ نَشَ عَ سُشُ دَرِ سَلَمُ. عَ نَشَ عَ فِ عَ سِفَ لَكِسِ، كْنْ مِشِ ندٍيٍ نَشَ سِفَ عَ قْشْ رَ، عٍ عَ قَشَ مّننِ. 28 عٍ نَشَ عَ قُرٍ شَنِن سٌييٍ قَرِ، عٍ عَ رَفَتَ عَ بَبَيٍ قّ مَ يُدَيَ مَنفَتَا.