1 يُدَيَكَيٍ نَشَ عٌسِيَسِ تِ مَنفّ رَ عَ بَبَ عَمَسِيَ حْشْي رَ. عَ نُ بَرَ حّ قُ نُن سٍننِ سْتْ نَ وَشَتِ. 2 عَ بَبَ تٌ تَا مَسَرَ، عٌسِيَسِ نَشَ عٍلَتَ تَا رَ سٌ يُدَيَ شَ مَنفّيَ بُن مَ. 3 عٌسِيَسِ مَنفّيَ سْتْ عَ حّ قُ نُن سٍننِ نَن مَ، عَ قَ حّ تٌنفٌ سُولِ نُن قِرِن مَنفّيَ رَبَ دَرِ سَلَمُ. عَ نفَ نُ شِلِ نّ يٍكٌلِيَ. دَرِ سَلَمُكَ نَن نُ عَ رَ. 4 عَ حّرّ نّ عَلَتَلَ شَ تِنشِنيِ كُي عَلْ عَ بَبَ عَمَسِيَ.

5 عٌسِيَسِ نَشَ عَلَ يَرَفَاشُييَ مَتِنكَن عَننَبِ سَكَرِ سَابُي رَ. عَلَتَلَ نُ لُمَ شَشِلِ قَنيِ قِ رَ سَكَرِ مَ لَامَتُنيِيٍ كُي. عٌسِيَسِ شَ قٍ بِرِن نَشَ سْونّيَ، بَرِ مَ عَ نُ عَلَتَلَ وَشْنقٍ قٍنمَ. 6 عَ تٌ سِفَ قِلِسِتَكَيٍ فٍرٍدٍ، عَ نَشَ فَتِ، يَبِنٍ، نُن عَسِدٌدِ تّتّيٍ رَبِرَ. عَ نَشَ تَايٍ تِ عَسِدٌدِ بْشِ مَ قِلِسِتَكَيٍ يَ مَ. 7 عَلَ نَشَ عَ مَلِ قِلِسِتَكَيٍ فٍرٍدٍ، عَ نُن عَرَبُيٍ نَشٍيٍ نُ سَبَتِشِ فُرُ بَلِ، عَ نُن مَيٌنكَيٍ. 8 مَيٌنكَيٍ نَشَ دُوتِ بَ عٌسِيَسِ بّ، نَشَن سّنبّ شَ فبٌي نُ بَرَ كٌلٌن هَن مِسِرَ بْشِ مَ. 9 عَ نَشَ كٌورٍ بَنشِ سّنبّمَيٍ تِ دَرِ سَلَمُ تُشُي نَادّ نُن فُلُنبَ نَادّ شُن مَ. 10 عَ نَشَ يِرٍ مَكَنتَدٍيٍ تِ دَاشَ. عَ نَشَ كْلْنيِيٍ قَن فٍ نَ، بَرِ مَ شُرُ سٍ فبٍفبٍ نُ نَ عَ يِ رَ. عَ شَ وَلِكّيٍ نُ وَلِمَ نَا مّرّ قَنيِيٍ مَ، ندٍيٍ قَن نُ مّينِمَ نَا وّنِ بِلِيٍ مَ كَرٍ مٍلٍ فٍيَيٍ قَرِ. بْشِ رَوَلِقٍ نُ رَقَن عَ مَ. 11 سْورِ فَلِ نُ نَ عٌسِيَسِ يِ رَ، نَشٍيٍ نُ نَ مَنفّ شَ مِشِ شَنَنِيَ شَ يَامَرِ بُن مَ. سّبّلِتِ يٍيِيٍلِ نُن يَرٍرَتِ مَاسٍيَ نُ بَرَ نَ فَلِ عِتَشُن عَ شُندّ كِ مَ. 12 دٍنبَيَ كَنيِ مِشِ وُلُ قِرِن كّمّ سٍننِ نَن نُ يِ سْورِ حَلَمَيٍ رَحّرّ مَ. 13 سْورِ حَلَمَ وُلُ كّمّ سَشَن نُن سٌلٌقٍرٍ كّمّ سُولِ نُ نَ نَا، نَشٍيٍ نُ مَنفّ مَلِمَ عَ يَشُييٍ فٍرٍدٍ. 14 عٌسِيَسِ نَشَ وُرٍ لٍقَيٍ، تَنبّيٍ، تُندٍ لّبّرّيٍ، تَبٍ مَكٌتٌ سٍيٍ، شَلِيٍ، نُن لَاتِيٍ سٌ عٍ يِ رَ. 15 شَشِلِمَ ندٍيٍ نَشَ عَ مَلِ شَلِيٍ نُن فّمّ شُنفبٍ وٌلِ سٍيٍ يَءِلَندٍ دَرِ سَلَمُ. عٍ نَشَ عٍ دْشْ يِرٍ عِتٍشِيٍ قَرِ. نَ بَرَ عَ نِيَ عَ شَ شِلِ فبٍ سْتْ هَن يِرٍ مَكُيٍ. عَلَ نُ عَ مَلِمَ نَ بِرِن كُي عَلَكٌ عَ شَ سّنبّ سْتْ.

16 كْنْ عَ شَ مَنفّيَ تٌ فّ مَبَنبَندٍ، عَ نَشَ عَ يّتّ عِفبٌ. عَ نَشَ عَ مَرِفِ عَلَتَلَ شَ سّرِيّ رَبّحِن، عَ سٌ عَلَتَلَ شَ هْرْ مْبَنشِ كُي سُرَيِ فَندٍ سّرّشّبَدٍ قَرِ. 17 سّرّشّدُبّ، عَسَرَيَ نَشَ بِرَ عَ قْشْ رَ، عَ نُن عَلَتَلَ شَ سّرّشّدُبّ تٌنفٌ سٌلٌمَسَشَن. 18 يِ شّمّ فبَنفبَلَنيِيٍ نَشَ يِ وْيّنيِ شْرْشْي قَلَ عٌسِيَسِ بّ، «سُرَيِ فَنقٍ سّرّشّ رَ نَ مُ قِندِ عِ تَن عٌسِيَسِ شَ وَلِ رَ. سّرّشّدُبّيٍ نَن مَ وَلِ نَ رَ. هَرُنَ شَ دِيٍ سُفَندِشِ نّ عَلَ بّ عٍ شَ نَ وَلِ رَبَ. عِ تَن شَ مِنِ هْرْ مْبَنشِ كُي، بَرِ مَ عِ بَرَ عَلَ شَ سّرِيّ مَتَندِ. نَ قٍ مُ قِندِ مَ شُن نَكٍلِ رَ عِ بّ مَرِفِ عَلَتَلَ يَ عِ.» 19 عٌسِيَسِ بْحّ نَشَ تٍ سّرّشّدُبّيٍ شِلِ مَ. سُرَيِ سَ سٍ نُ نَ عَ بّلّشّ عِ. كُنّ نَشَ مِنِ عَ تِفِ مَ كٍرٍن نَ سّرّشّدُبّيٍ يَ شْرِ، عَلَتَلَ شَ هْرْ مْبَنشِ كُي، سُرَيِ فَنمَ سّرّشّبَدٍ نَشَن مَ. 20 سّرّشّدُبّ عَسَرَيَ نُن عَ بٌورٍيٍ تٌ نَ كُنّ تٌ عَ تِفِ مَ، عٍ نَشَ عَ رَ مِنِ تَندٍ مَقُرٍن. عَ تَن قَن يّتّ يَتِ نَشَ فبَتَ مِنِقٍ رَ، بَرِ مَ عَلَتَلَ نُ بَرَ عَ بْنبْ. 21 مَنفّ عٌسِيَسِ نَشَ قِندِ كُنّ كَنيِ رَ، هَن عَ قَشَ تّمُي. عَ نَشَ لُ بَنشِ ندٍ كُي عَ كٍرٍنيِ مَ، بَرِ مَ كُنّ كَنيِ مُ لَن عَ شَ سٌ عَلَتَلَ شَ بَنشِ كُي. عَ شَ دِ يٌتَمِ نَشَ مَنفّيَ سْتْ، عَ قَ لُ مَنفّ بَنشِ كُي، عَ حَمَ يَامَرِ.

22 عٌسِيَسِ شَ تَرُشُي دْنشْييٍ، عَ قْلّ نُن عَ رَحْنيِ، عَ بِرِن سّبّشِ عَمٌسُ شَ دِ عَننَبِ عٍسَيِ شَ كِتَابُي كُي. 23 عٌسِيَسِ تٌ لَاشِرَيَ، عٍ نَشَ عَ رَفَتَ فَبُرِ كُي مَنفّيٍ شَ بْشِ ندٍ مَ، بَرِ مَ عٍ نُ عَ قَلَمَ نّ، «كُنّ كَنيِ نَ عَ رَ.» عَ شَ دِ يٌتَمِ نَشَ تِ مَنفّ رَ عَ حْشْي رَ.