1 مَنفّ نُن هَمَن نَشَ سِفَ مَنفّ فِنّ عٍسِتَ شْنيِ عٍ دّفٍدٍ. 2 نَ سِفّ قِرِن ندٍ كُي، مَنفّ نُ وّنِ مِنمَ تّمُي نَشّ، عَ مَن نَشَ فبِلٍن عٍسِتَ مَشْرِن نَ، «عٍسِتَ، عِ وَ مَ نَشَن شْن مَ، عَ قَلَ ﭑ بّ عَلَكٌ ﭑ شَ نَ رَبَ. مُنسٍ شْلِ عِ مَ؟ هَلِ عِ وَ مَ ﭑ مَ مَنفّيَ تَفِ نَن شْن مَ، ﭑ عَ قِمَ نّ عِ مَ.»

3 مَنفّ فِنّ عٍسِتَ نَشَ عَ يَابِ، «مَنفّ، شَ عِ سَ تِن، ﭑ وَ مَ قٍ نَشَن شْن مَ، عِ شَ ﭑ تَن نُن ﭑ بْنسْي رَكِسِ. 4 ﭑ تَن نُن ﭑ مَ مِشِيٍ بَرَ مَتِ، عَلَكٌ مُشُ شَ هَلَكِ، مُشُ شَ قَشَ، مُشُ شَ حْن قٍوٌ. شَ عٍ مُشُ مَتِ كٌنيِيٍ فبَنسَن نَن نَ نُ، ﭑ مُ قٍقٍ قَلَمَ عِ بّ نُ، ﭑ دُندُ مَ نّ تُن، بَرِ مَ نَ قٍ مُ شْرْشْ نُ هَن ﭑ شَ مَنفّ تْورْ.»

5 مَنفّ عَسُيٍرُ سُ نَشَ مَنفّ فِنّ عٍسِتَ مَشْرِن كٍرٍن نَ، «ندٍ سُو سَشِ يِ قٍ مْولِ مَحْشُندٍ؟ نَ كَنيِ نَ مِندٍن؟» 6 عٍسِتَ نَشَ عَ يَابِ، «مُشُ يَشُي شُنفبٍ، نَشَن وَ مَ مُشُ تْورْقٍ، نَ قِندِشِ يِ هَمَن مِشِ كٌبِ نَن نَ.» هَمَن تٌ نَ وْيّنيِ مّ، فَاشُي نَشَ عَ سُشُ عَ حَاشِ رَ.

7 مَنفّ بْحّ نَشَ تٍ، عَ مِنِ تَندٍ مَ. هَمَن تٌ عَ كٌلٌن مَنفّ حَن بَرَ نَتّ تٌنفٌ عَ شَ قٍ رَ، عَ نَشَ لُ مَنفّ فِنّ عٍسِتَ قّ مَ، عَ شَ عَ مَيَندِ عَ شَ عَ رَكِسِ. 8 هَمَن تٌ عَ قٍلٍن مَنفّ فِنّ عٍسِتَ بُن مَ، مَنفّ سٌ تّمُي نَن نَ كِ كٍلِقٍ تَندٍ مَ. مَنفّ نَشَ سْنشْي رَتٍ، «يِ شّمّ نَ مُنسٍ رَبَقٍ يِ كِ؟ عَ مَن وَ مَ دُتُنقٍ مَنفّ فِنّ عٍسِتَ نَن مَ ﭑ يَ شْرِ ﭑ مَ بَنشِ كُي؟» مَنفّ قّقّ نَ وْيّنيِ قَلَ، مِشِيٍ نَشَ هَمَن يَتَفِ مَكٌتٌ، عٍ عَ شَنِن.

9 شَرَبٌنَ، مَنفّ شَ مِشِ ندٍ، نَشَ عَ قَلَ مَنفّ بّ، «هَمَن حَن بَرَ وُرِ تِ عَ شْنيِ، عَ نُ وَ مَ مٌرٌدٍكَيِ فبَكُقٍ دّننَشّ، مٌرٌدٍكَيِ نَشَن نُ بَرَ مَنفّ رَكِسِ. نَ وُرِ عِتٍ نْنفْن يَ تٌنفٌ سُولِ.» عَوَ، مَنفّ نَشَ عَ يَمَرِ، «هَمَن شَ فبَكُ مّننِ نّ.» 10 نَ نَ عَ رَ هَمَن نَشَ فبَكُ نَ وُرِ مَ، نَشَن نُ تِشِ مٌرٌدٍكَيِ شِلِ مَ عَ قَشَقٍ رَ. نَ دَنفِ شَنبِ، مَنفّ بْحّ نَشَ فٌرٌ.