1 Ⱪayta-ⱪayta ǝyiblinip turup yǝnǝ boyni ⱪattiⱪliⱪ ⱪilƣan kixi,

Tuyuⱪsizdin dawaliƣusiz yanjilar.

2 Ⱨǝⱪⱪaniylar güllǝnsǝ, puⱪraliri xadlinar,

Ⱪǝbiⱨlǝr ⱨoⱪuⱪ tutsa puⱪra nalǝ-pǝryad kɵtürǝr.■

3 Danaliⱪni sɵygǝn oƣul atisini hux ⱪilar;

Biraⱪ paⱨixilǝrgǝ ⱨǝmraⱨ bolƣan uning mal-mülkini buzup-qaqar.■

4 Padixaⱨ adalǝt bilǝn yurtini tinq ⱪilar;

Biraⱪ baj-seliⱪ salƣan bolsa, uni wǝyran ⱪilar.□

5 Ɵz yeⱪiniƣa huxamǝt ⱪilƣan kixi,

Uning putliriƣa tor tǝyyarlap ⱪoyƣandur.

6 Rǝzil adǝmning gunaⱨi ɵzigǝ ⱪapⱪan yasap ⱪurar;

Biraⱪ ⱨǝⱪⱪaniy kixi nahxilar bilǝn xadlinar.

7 Ⱨǝⱪⱪaniy kixi miskinning dǝwasiƣa kɵngül bɵlür;

Biraⱪ yamanlar bolsa bu ixni qüxǝnmǝs.■

8 Ⱨakawur kixilǝr xǝⱨǝrni ⱪutritip dawalƣutar;

Biraⱪ aⱪilanilǝr aqqiⱪ ƣǝzǝplǝrni yandurar.

9 Dana kixi ǝhmǝⱪ bilǝn dǝwalaxsa,

Əhmǝⱪ ⱨürpiyidu yaki külidu, nǝtijisi ⱨaman tinqliⱪ bolmas.

10 Ⱪanhorlar pak-diyanǝtliklǝrgǝ nǝprǝtlinǝr;

Duruslarning jenini bolsa, ular ⱪǝstlǝr.□

11 Əhmǝⱪ ⱨǝrdaim iqidiki ⱨǝmmini axkara ⱪilar;

Biraⱪ dana ɵzini besiwalar.■

12 Ⱨɵkümdar yalƣan sɵzlǝrgǝ ⱪulaⱪ salsa,

Uning barliⱪ hizmǝtkarliri yaman ɵgǝnmǝy ⱪalmas.

13 Gaday bilǝn uni ǝzgüqi kixi bir zeminda yaxar;

Ⱨǝr ikkisining kɵzini nurlandurƣuqi Pǝrwǝrdigardur.□ ■

14 Yoⱪsullarni diyanǝt bilǝn soriƣan padixaⱨning bolsa,

Tǝhti mǝnggügǝ mǝⱨkǝm turar.■

15 Tayaⱪ bilǝn tǝnbiⱨ-nǝsiⱨǝt balilarƣa danaliⱪ yǝtküzǝr;

Biraⱪ ɵz mǝyligǝ ⱪoyup berilgǝn bala anisini hijalǝtkǝ ⱪaldurar.■

16 Yamanlar güllinip kǝtsǝ, naⱨǝⱪlik kɵpiyǝr;

Lekin ⱨǝⱪⱪaniylar ularning yiⱪilƣinini kɵrǝr.■

17 Oƣlungni tǝrbiyǝlisǝng, u seni aram tapⱪuzar;

U kɵnglüngni sɵyündürǝr.■

18 Pǝrwǝrdigarning wǝⱨiysi bolmiƣan ǝlning puⱪraliri yoldin qiⱪip baxpanaⱨsiz ⱪalar;

Lekin Tǝwrat-ⱪanuniƣa ǝmǝl ⱪilidiƣan kixi bǝhtliktur.□

19 Ⱪulni sɵz bilǝnla tüzǝtkili bolmas;

U sɵzüngni qüxǝngǝn bolsimu, etibar ⱪilmas.

20 Aƣzini basalmaydiƣan kixini kɵrgǝnmu?

Uningdin ümid kütkǝndin, ǝhmǝⱪtin ümid kütüx ǝwzǝldur.■

21 Kimki ɵz ⱪulini kiqikidin tartip ɵz mǝyligǝ ⱪoyup bǝrsǝ,

Künlǝrning biridǝ uning bexiƣa qiⱪar.□

22 Terikkǝk kixi jedǝl-majira ⱪozƣap turar;

Asan aqqiⱪlinidiƣan kixining gunaⱨliri kɵptur.■

23 Mǝƣrurluⱪ kixini pǝs ⱪilar,

Biraⱪ kǝmtǝrlik kixini ⱨɵrmǝtkǝ erixtürǝr.■

24 Oƣri bilǝn xerik bolƣan kixi ɵz jeniƣa düxmǝndur;

U soraⱪqining guwaⱨ berixkǝ agaⱨlanduruxini anglisimu, lekin rast gǝp ⱪilixⱪa petinalmas.□ ■

25 Insan balisidin ⱪorⱪux adǝmni tuzaⱪⱪa qüxüridu;

Biraⱪ kimki Pǝrwǝrdigarƣa tayanƣan bolsa, u bihǝtǝr kɵtürülǝr.□

26 Kɵp kixilǝr ⱨɵkümdardin iltipat izdǝp yürǝr;

Biraⱪ adǝmning ⱨǝⱪ-rizⱪi pǝⱪǝt Pǝrwǝrdigarningla ⱪolididur.■

27 Naⱨǝⱪlǝr ⱨǝⱪⱪaniylarƣa yirginqliktur;

Durus yolda mangƣan kixilǝr yamanlarƣa yirginqliktur.

■29:2 Pǝnd. 11:10; 28:12,28

■29:3 Pǝnd. 10:1; 15:20; 28:7; Luⱪa 15:13

□29:4 «Biraⱪ baj-seliⱪ salƣan bolsa,...» — yaki «biraⱪ parihor bolsa,..».

■29:7 Ayup 29:16

□29:10 «Duruslarning jenini bolsa, ular ⱪǝstlǝr» — baxⱪa birhil tǝrjimisi: «biraⱪ duruslar ularning jenidin hǝwǝr alar».

■29:11 Pǝnd. 14:33

□29:13 «Gaday bilǝn uni ǝzgüqi kixi bir zeminda yaxar» — ibraniy tilida: «gaday bilǝn uni ǝzgüqi kixi bir-birigǝ yoluⱪar».

■29:13 Pǝnd. 22:2

■29:14 Pǝnd. 20:28; 25:5

■29:15 Pǝnd. 10:1; 13:24; 17:21,25; 22:15; 23:13

■29:16 Zǝb. 37:36; 58:10-11; 91:8

■29:17 Pǝnd. 13:24; 22:15; 23:13,14

□29:18 «yoldin qiⱪip baxpanaⱨsiz ⱪalar» — bu ibarǝ ibraniy tilida ikki bisliⱪ bir sɵz bilǝnla ipadilǝngǝn.

■29:20 Pǝnd. 26:12

□29:21 «Künlǝrning biridǝ uning bexiƣa qiⱪar» — baxⱪa birhil tǝrjimisi «Ahirda u (ⱪul) ɵzigǝ pǝrzǝnttǝk bolup qiⱪar».

■29:22 Pǝnd. 15:18; 26:21

■29:23 Ayup 22:29; Pǝnd. 15:33; 18:12; Yǝx. 66:2; Mat. 23:12; Luⱪa 14:11; 18:14; Yaⱪ. 4:6,10; 1Pet. 5:5

□29:24 «...rast gǝp ⱪilixⱪa petinalmas» — «Law.» 5:1ni kɵrüng.

■29:24 Law. 5:1

□29:25 «bihǝtǝr kɵtürülǝr» — ibraniy tilida bir sɵz bilǝnla ipadilinidu.

■29:26 Pǝnd. 19:6