ami’ty fifombo’o;

naho ko andilova’o

ami’ty fiforoforoa’o.

2Fa mitsamantake amako

o ana-pale’oo,

vaho manindry ahy ty fità’o.

3Tararèñe ty fiaiko te hatorifiha’o, naho po-pijanganañe o taolakoo,

ty amy tahikoy.

4Fa nalipo’ o hakeokoo ty lohako,

hoe kilankañe mavesatse tsy leoko.

5Mantiñe naho miborake o ferekoo

ty amy hadagolako.

6Mihohokohoke raho naho mibokoke,

toe mandala lomoñandro.

7Lifo-pihobobohañe ty vaniako,

tsy aman-kajangañe ty sandriko.

8Volevole raho, loho demoke,

miñeoñeoñe ty fioremeñan-troko.

9O Talè, fonga añatrefa’o eo ty fisalalàko, naho tsy mietak’ ama’o ty fiselekaiñako.

10Midebodebo ty troko,

milesa ty haozarako;

naho nieng’ahiko ty hazavà’ o masokoo.

11Ampiesoñe’ i angorosiko

o mpiamakoo naho o rañekoo;

naho mitrobàke ey o longokoo.

12Nampidreñafe’ o mipay ty fiaikoo fandrike raho,

ikililia’ o mipay hijoy ahikoo,

toe ikinia’e hakalitahañe

lomoñandro.

13F’ie manahake te giñe,

tsy mahatsanoñe raho,

hoe bobo kanao tsy mahasoka-bava.

14Eka, manahake ondaty valagìñe,

tsy aman-dietse am-palie.

15Ihe ry Iehovà ro fisalalàko,

toe hanoiñe rehe ry Talè

Andrianañahareko.

16Fa inao ty ahy :

Tsy mone hirebeke iareo,

ke hirengevoke te

midorasitse o tombokoo.

17Toe veka’e hikorovoke raho,

amako lomoñandro ty fanaintaiñako.

18Toe iantofako o hakeokoo;

naho lifo-­kasosorañe ty amo tahikoo.

19Fe maozatse naho mahasibeke

o rafelahikoo,

maro ty malaiñe ahy tsy vente’e,

20aa kanao valea’iareo raty ty soa,

heje’ iareo ty fañorihako ty hasoa.

21Ko mamorintseñ’ ahy ry Iehovà,

ko mitotse amako

ry Andrianañahareko,

22Malisà hañimb’ ahy ry Talè,

Fandrombahañ’ ahy.