1«Жуқириға чиқиш нахшиси»

Пәрвәрдигардин қорқидиғанлар,

Униң йоллирида маңидиғанларниң һәр бири бәхитликтур!

2Чүнки сән өз қолуңниң әҗрини йәйсән;

Бәхитлик болисән, ронақ таписән;

3Аялиң болса өйүң ичидә мевилик үзүм телидәк болиду;

Балилириң дәстиханиңни чөридәп, зәйтун дәрәқлиридәк тизилип олтириду;

4Мана, Пәрвәрдигардин қорқидиған киши шундақ бәхитни көриду.

5Пәрвәрдигар саңа Зион теғидин бәхит ата қилғай;

Сән өмрүң бойичә Йерусалимниң аватлиғини көргәйсән;

6Пәрзәнтлириңниң пәрзәнтлирини көргәйсән;

Исраилға арам-течлиқ болғай!