“Hemelse Vader, dankie dat U my toelaat om te getuig. Halleluja!”

“Ek is sedert 1992 ‘n Christen, toe ek regtig so lief geraak het vir Jesus nadat ek ‘n paar maal kerk toe was en toe ek elke area van my wese aan Hom wou gee vir die res van my lewe. “

“Voor dit, het Hy alles vir my stap-vir-stap voorberei. In 1994 het Hy my hele liggaam gesalf met die Heilige Vuur, toe omtrent ‘n maand later, het hy aan my verskyn toe Hy met Sy sigbare teenwoordigheid by die kerk gedurende ‘n lofprysingsdiens was.”

“Toe in 1995, op Paas Sondag, het Hy my bewende liggaam gesalf en van toe af bewe my liggaam gedurende kerk en ook gedurende my bidtyd. Soos jy kan sien - beweeg my liggaam so heen-en-weer op die oomblik, Indien ek dit nie doen nie, word my maag geweldig gespanne, en dit voel of dit kan ontplof; dis hoekom ek so heen-en-weer beweeg. So moet asseblief nie dink dat daar iets fout is met my liggaam nie. Dis die Heilige Gees wat dit doen, terwyl ek oor Jesus praat.“

“En toe, na dit, het Hy my met die Heilige Gees gedoop, met die spreek van nuwe tale, hemelse liedjies en ‘n heilige gelag. En ek was so onder die invloed van die salwing, dat ek vir drie ure buite aksie op die vloer was. Ek kon nie opkom nie omdat die salwing só kragtig was.”

“Na dit, ‘n paar maande later, het pastoor Larry Randolf oor my geprofeteer. Hy het vir my gesê dat God my op so ‘n spesiale manier wil gebruik.”

“Al sy profesieë het bewaarheid geword, ‘n duisend maal, of selfs meer.”

“Na dit, in Januarie 1996, het die Here Jesus my besoek met Sy sigbare teenwoordigheid by my. Hy het my 10 maal besoek daar om vir my te sê dat Hy my gaan gebruik, en het Hy al Sy planne met my gedeeel, soos wat in die boek staan.”

“Maar Hy het nie vir my aanvanklik gesê dat Hy my Hemel toe gaan neem nie. So, na 10 besoeke by my, op 19 Februarie 1996, het Hy begin om my Hemel toe te neem, in my hemelse liggaam. Soos wat Sy Geestelike liggaam was, was my liggaam ook gewees.”

“Elke keer voor Hy my Hemel toe neem, het Hy my eers na `n Aardse strand toe geneem. Die heel eerste maal voor Hy my Hemel toe geneem het, het Hy my na een deel van die strand toe geneem en aan my ‘n klein stukkie met kristal helder water gewys. Daarna het Hy my ‘n reusagtige tonnel gewys. En na dit het Hy my hemel toe geneem.”

“Na ons deur die tonnel gegaan het, het ek en die Here met die pad langs geloop wat van die heuwel af gekom het. Ons het uiteindelik by ‘n reusagtige wit hek gekom wat voor ‘n groot wit gebou was. Ons het deur die hek geloop en verder gegaan na die wit gebou toe.”

“Ons het in gegaan en in ‘n lang gang afgeloop oppad na ‘n baie groot vertrek toe, wat ons toe betree het. Toe ek afkyk ondertoe, besef ek vir die eerste maal dat ek toe ‘n ander kleed aan gehad het as toe ek op die strand was, en ek kon voel dat iets swaar op my kop gerus het.”

“Ek het my hande uitgesteek en ontdek dat ‘n pragtige kroon op my kop gesit was, sonder dat ek dit besef het. Dis tóé dat ek direk na die Here gekyk het.”

“Hy het op ‘n troon gesit en Hy het ‘n glansryke mantel en ‘n goue kroon gedra. Ander was daar saam met my, al knielend op die vloer en hulle het hulself uitgestrek voor Hom. Die mure van die vertrek het bestaan uit groot skitterende stene wat gegloei het. Die veelkleurige stene het aan die vertrek ‘n warm en vrolike effek verleen wat terselfde tyd ook geheimsinnig was.”

“Toe, net so vinnig as wat ek teen die berg op begelei is en in die wit gebou in gegaan het, het ek myself weer op die strand bevind.”

“Die heel eerste keer het Hy my net Sy troonkamer gewys. Daarna het ons van die hemel af gekom en het ons weer op die aardse strand gesit.”

“En toe het Hy begin praat. Hy het gesê dat ons nou so pas na die Koninkryk van die Hemel toe was. Die enigste persone wat soontoe sal gaan is die wat gehoorsaam en rein van hart is. “

“Dit was die laaste woorde aan my wat Hy gesê het tydens Sy eerste besoek.”

“In my getransformeerde liggaam het ek saam met die Heer op die strand gestap. En dan het Hy my na die Hemel vergesel. Ons het deur die pêrelhekke gestap en na die wit gebou gegaan om ons klere te verander. Na ons verkleë het, het ons oor die goue brug gestap.”.

“Dit alles het so natuurlik vir my begin word. Elke gelowige, ek is seker van dit, sal deur dieselfde prosedure gaan wanneer hy of sy hemel toe gaan.”

“En ek het besef dat dit ‘n duisend keer mooier in die Hemel is as op Aarde. Maar daar is ook baie dinge soos op Aarde, byvoorbeeld paaie, geboue, bome, bosse, rotse, blomme, ongerepte gedeeltes buite die Koninkryk.”

“Daar is net soveel dinge daar; maar hulle is net ‘n duisend maal mooier as die Aardse dinge, net te pragtig.”

“Die prag van die Hemel is onbeskryflik, ek kan nie eers beskryf hoe mooi hulle is nie, dis net eenvoudig pragtig.”

“Dit is hoekom Hy my soontoe geneem het, om vir my te wys wat Hy vir Sy kinders voorberei het, sodat elkeen van ons weet wat in die hemel vir ons wag. Dus, voor Hy kom, wil Hy hê dat die Christene hiérdie dinge moet weet, sodat hulle opgewonde kan wees om sóóntoe te gaan. Dit is hoekom ek dink waarom Hy aan my hierdie dinge gewys het.”

“Hy het nie alles aan my deeglik uitgelê en verduidelik nie, jy weet, Hy het net sekere definitiewe dinge aan my uitgewys.”

“Hy het in baie min woorde, slegs die noodsaaklikste woorde met my gesels.”

“Dit is die Liefdevolle God wie Hy is. Prys U Here!”

“En binne-in kon ek vlamme sien wat ‘n menigte mense verskroei terwyl hulle skree en huil op `n manier soos wanneer persone marteling ervaar as hulle verbrand word.”

“Die mense binne in die krater was naak, sonder enige hare en het naby aan mekaar gestaan, al wriemelende soos wurms, terwyl vlamme hulle liggame verskroei en gebrand het.”

“Al het die Here dit nie aan my gesê nie, het ek geweet ek staan op die rand van die Hel. Alles wat Hy my ookal andersins in die Hemel gewys het was sulke opwindende en ontsagwekkende dinge gewees, maar daarna het Hy my die hel gewys. Hy het my hel toe geneem. Die eerste ding wat ek binne-in gesien het was die vuur, alhoewel dit ‘n eindelose diep, donker gat was.”

“Mense was naak en sonder hare. Hulle het geen hare en geen klere aangehad nie, almal was kaal. Hulle het so naby aanmekaar gestaan. Dit het gelyk of hulle teen mekaar gestaan het omdat hulle van die vuur af wou wegkom. Elke keer as hulle beweeg, het die vuur hulle gevolg, heen-en-weer, heen-en-weer, die hele plek was vol vuur, hierdie mense het so naby aanmekaar gestaan.”

“Hulle was in soveel pyn en het so ongelukkig gelyk. Ek kon nie help om so baie oor hulle te huil nie. Toe die Here my ‘n tweede maal soontoe geneem het, het ek dieselfde mense weer `n keer weer gesien.”

“Toe het ek stemme gehoor en in daardie rigting in gekyk. Daar was so baie Oosterlinge daar. En hierdie een dame, sy het na my gewaai en geskree dat dit so warm is, so warm. Ek het na haar gekyk en ons oë het mekaar ontmoet.”

“Dit was my moeder. Toe ek besef dat dit my Ma was het my hart ineen gesink en ek het begin huil.”

“Ek het nog nooit soveel pyn ervaar nie, net pyn. So pynvol, dat ek nie geweet het wat om te doen nie. Sy het net bly sê dis warm, so warm, en sy het aangehou om vir my te waai.”

“Terwyl ek dit gesien en beleef het, wou sy gehad het ek dat ek moet afgaan in die krater in om haar te probeer uithelp.”

“Toe kyk ek na ander mense en daar was my Pa, my Stiefma, my jong nefie. Hy is baie jonk oorlede. En ook twee vriende wat ek geken het.”

Ek sê toe vir Hom: “Here, my Moeder, sy is vroeg dood, sy was siek vir ‘n baie lang tyd. Ek dink nie sy was ‘n slegte persoon nie.”

Maar in my hart het ek gesê: “Hoekom wys U dit vir my deur my op hierdie manier so seer te maak?”

“Ek het daaraan gedink, maar ek kon nooit kwaad wees vir Hom nie. Ek kon nie Sy gesig sien nie, maar ek het geweet Hy huil saam met my. Ek het dit bloot gevoel. Hy het so ongelukkig gelyk, toe het Hy aan my kop geraak het en toe my hand gevat. Ons het daar uitgeloop en ek het die hele tyd gehuil terwyl ons loop. Wel, in die boek deel ek dié, besonderhede. So, toe, met die volgende besoek het Hy my nog ‘n ander tragiese ding gewys.”

“Dit was geaborteerde babas. Hy het my na hierdie een plek geneem. Dit was ‘n reusagtige gebou. Dit het na ‘n pakhuis gelyk amper. Toe ons instap het ek net babas oral gesien. Kleine, kleine kaal babatjies wat langs mekaar gelê het. Toe het ek begin huil. Here, hoekom was daar soveel babas?”

“Hy het gesê dat hulle geaborteerde babas was. Ek het gesê: “Wat gaan U met hulle doen?” Hy het gesê dat as hulle ma’s gered word en hulle kom hemel toe, dan kan hulle hulle babas terug neem.“

“Sy woorde het my diep geroer. My hart het eintlik gepyn met al die liefde vir my Here. Hy het opgestaan en ek het geweet dat dit tyd was om te gaan. Ek het voortgegaan om te huil, maar my hart was opnuut verseker met die wete dat ek vir ewig saam met die Here sal wees en dat Hy altyd by my op die aarde ook is.”

“By die kleedkamer, het ‘n engel van die Here my omhels. Dit was so verfrissend om in ‘n plek te wees waar soveel liefde is, en waar medelye en begrip altyd teenwoordig is.”

“Namate ek ander klere aangetrek het, het ek vermoed dat beide Abraham en die engel daar geweet het dat dit my laaste besoek aan die hemel sou wees vir eers.”

“Toe ek uit die aantrekkamer loop, het die engel my weereens gedruk. Hierdie engel het blonde hare gehad, met `n vloeiende, wit mantel en met ‘n warm, saggeaarde gesig. Die engel het vir my geglimlag terwyl ek na die Here toe gestap het.”

“Toe die Here Jesus my die 17de keer hemel toe geneem het, het Hy aan my wolke gewys. Dit was die einde aan my hemelse besoeke.”

“Ek het gevoel dat ek dit reeds geweet het dat dit die laaste dag was.”

“En ek het begin huil, want ek wou nie van daar af weggaan nie. Ek het Sy arm vasgehou en gevra: “Heer, asseblief, moenie my laat gaan nie. Ek wil nie gaan nie, want ek wil oor en oor hierheen terugkom.””

“Dit was baie, baie hartseer vir my dat ek nie meer soontoe kan gaan nie.”

“Elke keer as ek saam met Hom Hemel toe was, het ek soms treurige dinge aanskou, maar aan die ander kant was daar ook die vreugde en vrede wat ek wat ek saam met Hom ervaar het, wat werklik onbeskryfbaar is.”

“Selfs toe ek ongelukkig was, het ek steeds die vreugde in my hart gehad, en ook die vrede. Daar was soveel liefde, ek het menige dae oor dit gehuil wanneer ek terug gedink het. Die Bybel praat van `n dag wanneer Jesus Christus weer sal terugkom vir Sy Kerk.”

“Dit staan bekend as “Die Wegraping””

“Die oomblik toe Hy dit gesê het, het ek my visioen-stem gehad. Elke keer wanneer Hy my iets spesiaals gewys het, praat ek in my spesiale visioen-stem. Dit kom diep uit my liggaam, uit my maag uit. Dit was so hard en hierdie visioenstem het vir ‘n lang ruk by my gebly.”

“Ek kon geluide hoor, sulke harde, harde geluide, Ek het gevoel of die hele wêreld ineen tuimel, sulke harde geluide, net aaklige geluide. Toe ek kyk was die hele lug wit gewees met mense in wit togas wie oral heen gevlieg, hulle het van oral oor gekom dan verdwyn en dan weer uitgekom, die lug was gevul met mense.”

“Ek het toe besef dis die Wegraping! Ek het gelag, gehuil, geskree, was so opgewonde!”

“En toe het ek my kleindogter gesien. Sy was, toe ek die visioen gehad het net tien maande oud, sonder enige hare.”

“In die visioen het sy skielik deur die venster gevlieg soos vanuit die kamer uit. Toe, met wit klere aan en met haar hare wat toe op haar skouers gehang het. Jy kan dink hoe opgewonde ek was.”

“Die volgende oomblik het ek my ander kleindogter gesien, Sy was eintlik in werklikheid net vier maande oud tydens die visioen in die werklike lewe en tyd en sy ook het nie hare gehad nie. Maar in die gesig het sy net soos die ander kleindogter by die venster uitgevlieg met haar wit klere wat sy aangehad het. Ook haar hare was skouerlengte gewees.”

“Ek het geskree, gehuil, gelag, ek was so opgewonde. Ek was nog nooit voorheen so opgewonde gewees nie, net opgewonde, ek is seker die hele huis kon dit hoor.”

“Dit was eintlik goed dat my man nie by die huis was toe ek die gesig gesien het nie. As hy daar was sou hy sekerlik gedink het dat daar iets fout is met my.”

“Dit staan bekend as “Die Groot Verdrukking””

“Wel, na dit, het die Here Jesus my ‘n ander visioen gewys. Dit was oor die mense wie agtergebly het. Ek glo dat tussen hulle ‘n groot hoeveelheid Christene was. Dis hoekom hulle gehardloop het, reg? As hulle nie Christene was nie sou hulle nie gehardloop het nie, jy weet. Maar die polisie was oral, mense was oral en hulle het net gehardloop, bang met paniekbevange gesigte, oppad motors toe, oppad bote toe, hardloop berge toe.”

“Hulle het nie geweet waarheen om te gaan nie, net soos wanneer hulle deur ‘n monster of iets gejaag word , jy weet. So bang, jy weet, aaklig, dit was ‘n aaklige toneel.”

“Wel , die boek doen wonderlik en is ‘n internasionale trefferverkoper. Die Here het Dr. Yonggi Cho gebruik en hy het hierdie boek vertaal. Dit het hom omtrent twee maande geneem om die boek te vertaal, waar dit gewoonlik ses tot sewe maande neem. Die dag toe die boek gedruk is, het die verkope van dit in Korea as ware ontplof en is dit ‘n nommer een blitsverkoper daar gewees.”

“Die Almagtige God het Dr Yonggi Cho op so ‘n wonderlike manier gebruik. Hy het amper 800,000 lidmate in sy kerk, So gebruik God hom vir hierdie boek, Hy het hom gekies vir hierdie boek.”

“Ek Prys U Here! Dié boek is ons Here Jesus se Eindtydboek.”

“Hy wil hê dat al die Christene hierdie boek sal lees en dan getuies wees aan andere. Dit is wat baie mense besig is om te doen. Wanneer hulle beplan om een boek te koop, koop hulle eerder dosyne boeke of hulle koop selfs honderde boeke! Hulle sê dat dit die beste getuig-instrument is naas die Bybel.”

“Op dié manier ontvang ek verskeie E-pos boodskappe. Ek het nie meer tyd van my eie nie. Dis veral wanneer ek E-pos boodskappe van jongmense van so 12, 13 jaar ontvang, waar hulle getuig dat hulle so verlief is op die boodskap van die boek. Hulle is so lief vir Jesus, hulle noem hierdie boek die Jesus-boek en talle van hulle het so verander na hulle dit boek gelees het.”

“Sommige van hulle vra: “Moet ek skool los om God se werk te doen?” waarop ek antwoord dat hulle nooit skool moet los nie. “Julle moet leer, God wil hê dat julle geleerdheid moet hê.” Dis wat ek vir hulle dan sê en adviseer ook: “Wat jy ookal doen, stel altyd vir God eerste.””

“Wanneer ek hulle E-pos boodskappe beantwoord is hulle so bly. Jy weet, duisende der duisende lewens word verander deur mense wie hierdie boek gelees het, bloot net omdat dit Jesus se boek is.”

“En Hy het al Sy beloftes rakende hierdie boek vervul, van die begin af tot aan einde. Hy het aan my gesê, wel, Hy sal vir alles sorg, van begin tot einde. Ek het aan Hom genoem dat ek bekommerd voel oor verskeie dinge, jy weet? Dis toe dat hy aan my gevra het “Hoekom is jy bekommerd, dis My boek, Ek sal daarvoor sorg.””

“Wie ookal hierdie boek lees, word bewus dat dit is Jesus se boek is, en Hy het vir alles gesorg.”

“So, al Sy beloftes aangaande hierdie boek, het Hy volbring. Al wat nou oorbly is my dansbediening. Hy het my opgelei vir my dansbediening. Dit is 'n heilige dans, Hy het dit gedoen (my opleiding) vir drie jaar, en toe het ek begin dans in die kerk vir die volgende twee jaar.”

“Nou wag ek amper drie en ‘n half jaar. Die ‘gewag’ is een van die swaarste dinge om te doen wanneer jy God dien. Jy weet, ek moes sewe jaar wag voordat Hy die boek publiseer het. Soms het ek gedink, “Gaan Hy ooit hierdie boek publiseer?” Maar Hy het Sy woord volbring, sien jy.”

“En wanneer ons daarheen gaan, jy weet, doen Hy meestal die praatwerk en ek luister net na Hom. Dan sing en dans ek in my geestelike liggaam. En op hierdie oomblik is dit die beste tyd van my lewe.”

“Wel, ek hoor soveel mense sê: “Wie gee om na ek dood is”, hie-hie-hie, soos dit, jy weet. Dan sê ek: “Jy beter omgee na jy dood is”. Dit was toe ek getuig het. Wanneer jy doodgaan, gaan jy slegs na een van twee plekke, of hemel, of hel toe. Hulle sê: “Aaaaggg, wie gee om na ek dood is?” Hulle praat asof hulle niks weet wat aangaan nadat hulle dood is nie.”

“Ek sê dan, jy beter omgee nadat jy dood is. En die rede? Wanneer jy doodgaan, dan sterf jou liggaam, maar jou gees en siel sterf nooit. Dit is hoekom jy pyn, geluk, blydskap, alles kan onthou, nes toe jy geleef het. Hulle glo my steeds nie, O, hulle word kwaad vir my!”

“Ek sê dan: “Ek hoop dat julle sal onthou eendag wat ek gesê het.” Ken jy vir Jesus? Dan sê hulle: “Ek ken God.” Dan sê ek: “ Wel Jesus is God. Hy is die Vader, Hy is die Heilige Gees, Hy is alles.” As jy nie vir Jesus ken nie, gaan die feit jy God ken jou nie in die Hemel besorg nie. Ek praat en praat net, maar die meeste van hierdie mense wil nie hoor nie. Ek sê net vir hulle: “ Wel, julle wil dit nie glo nie. Ek hoop julle sal dit eendag glo.” Selfs nadat ek lank met hulle gesels het wil hulle nie die ‘verlossingspakket’ aanvaar nie.”

“Jy weet wat ek dan aan hulle sê? “Goed, Jy wil nie hierdie verlossingsaanbod van God aanvaar nie, dis alles wel, maar eendag, jy sal weet wanneer God se mense weggeraap is. Dan sal jy weet waarvan ek nou net van gepraat het.”

“Maar ek wil jou vra, wanneer daardie tyd aanbreek, moet asseblief nooit die nommer 666 aanvaar nie! (666 Is die merk van die dier wat vereis sal word deur die Antichris om te kan handel dryf, en sal dien as `n merk in die hand of voorkop van almal wat dit aanvaar.) As jy dit aanvaar, gaan jy in die hel brand vir ewig en ewig en ewig! So moet asseblief, asseblief, asseblief nie die nommer 666 ontvang nie!”