87
यरूशलेमया प्रशंसा
कोरह वंशयापिनिगु भजन
1 परमप्रभुं पवित्र पर्वत सियोनय्
थःगु शहर दय्कादिल।
2 इस्राएलया मेमेगु
शहरयात स्वयाः
वय्कलं यरूशलेम शहरयात
अप्वः माया यानादी।
3 हे परमेश्वरया शहर,
परमेश्वरं छंगु बारे धयादीगु
बांलाःगु खँ न्यँ --
सेला
4 “जिगु आज्ञा पालनयाइगु
देशतय्गु धलखय्
मिश्र व बेबिलोनया नां नं दइ।
पलिश्त, टुरोस व कूशयापिं
मनूतय्त
यरूशलेमयापिं मनूत लिसें
ल्याःखाइ।”
5 सियोनया बारे थथे धाइ,
“फुक्क मनूत अनया
नागरिकता दयाः
याउँक च्वनि”
अले दकसिबय् तःधंम्हं
वयात बल्लाकादी।
6 परमप्रभुं जाति जातियापिं
मनूतय्गु छगू नां
धलः दय्कादी
अले उपिं सकसिगुं नां
यरूशलेमय् च्वंपिं मनूत
कथं च्वयादी।
सेला
7 इपिं प्याखं ल्हुइ अले म्ये हाली,
“जिमिगु फुक्क सुवाःया मुहान
सियोनय् दु।”