146
परमप्रभु दया माया दुम्ह खः
1 हल्लेलूया!† १४६:१ अथे धइगु “परमप्रभुया प्रशंसा या”
हे जिगु मन,
परमप्रभुया प्रशंसा या।
2 जिं जिवंकाछि
परमप्रभुया प्रशंसा याये,
जिं म्वातले जिमि परमेश्वरया
भजन हाला हे च्वने।
3 शासकतय्गु भलसा काये मते,
सुं मनूयागु नं भलसा काये मते,
छाय्धाःसा छन्त सुं मनुखं
बचय् याये फइ मखु।
4 इपिं सीबलय् चाय् लिहां वनी।
उखुन्हु इमिगु फुक्क
ग्वसाः नाश जुइ।
5 धन्य खः व मनू,
गुम्हय्सिया ग्वाहालि
याकूबया परमेश्वर खः,
गुम्हय्सिनं परमप्रभु
परमेश्वरयागु भलसा काइ।
6 वय्कः स्वर्ग व पृथ्वी, समुद्र
व उकी दुगु थीथी जीवजन्तु
दय्कादीम्ह खः।
वय्कलं न्ह्याबलें
थःगु बचं पूवंकादी।* १४६:६ प्रे ४:२४; १४:१५
7 वय्कलं क्वतय्काच्वने
माःपिनिगु
पँलिनाः न्याय यानादी,
अले नये पित्याःपिन्त
नयेगु नसा बियादी।
परमप्रभुं कुनातःपिन्त
त्वःतकादी,
8 परमप्रभुं मिखां मखंपिन्त
मिखां खंकादी,
परमप्रभुं ग्वतुलाच्वंपिन्त
थनादी।
परमप्रभुं भिंपिं मनूतय्त
माया यानादी।
9 परमप्रभुं झीगु देशय् दुपिं
परदेशीतय्त रक्षा यानादी,
वय्कलं मां-बौ मदुपिं
व भाःत मदुपिं मिस्तय्त
वास्ता यानादी।
तर मभिंपिं मनूतय्गु ग्वसाःयात
ताःलाकादी मखु।
10 परमप्रभुं न्ह्याबलें
राज्य यानादी,
हे सियोन,
छिमि परमेश्वरं पुस्तां
पुस्तातक राज्य यानादी।
हल्लेलूया!