128
Kure rokẽ exĩko, Ritonõpo omiry omipona ahtao
Ytoytoketõ eremiatoh sero.
1 Tãkye mã mokaro Ritonõpo omiry omipona
exiketomo, inyripohpyry omipona exiketomo.
2 Morara awahtao otuhnõko mase oerohtamitume,
tãkye exĩko mase, kure ehtoh oehnõko oya mana.
3 Opyty eperytakety sã exĩko atapyĩ tao mana;
opoenõ oriwera zoko sã exĩko mã toto õtuhtoh zomye.
4 Ritonõpo omiry omipona exikety
moro sã kure rokẽ exĩko mana.
5 Tosae, ypy Xião poe, kure rokẽ oripory se ase
Ritonõpo a!
Kokoro rokẽ isene ro awahtao kure Jerusarẽ põkõ
riry se ase oneneryme!
6 Isene oexiry se ase, apakomotyã enetohme oya!
Osepeme Izyraeu tõ kamexipory se ase!