130
Oturutoh Ritonõpo a akorehmatohme
Ytoytoketõ eremiatoh sero.
1 Ritonõpo yna Esemy, kykohmase zue ae
typynanohneke pyra jahtao.
2 Okohmary etako Ritonõpo! Jotururu etako
jakorehmary ekaroporyhtao oya.
3 Yna rypyry tymerose ahtao oya yna wãnopyry
emero, tyyrypyhpyke yna exiryke porehme.
4 Yrome popyra yna ehtoh korokãko mase,
morara exiryke oeahmãko ynanase.
5 Jakorehmary poko Ritonõpo
Kuesẽkomo a penetãko ase;
eraximãko ase, zae aomiry enetupuhnõko ase.
6 Kuesẽkõ eraximãko ase pata omõtoh erase tomo a
ẽmepyry eraximary motye, pata omõtoh erase
tomo a ẽmepyry eraximary motye.
7 Izyraeu tomo, Ritonõpo Oesẽkõ enetupuhtoko
opyno xine exikehpyra aexiryke,
opynanopyrykõ se exikehpyra roropa aexiryke.
8 Typoetory tõ Izyraeu pynanohnõko mana
iirypyrykõ korokãko mana porehme.