1A daa te ki li daamiia nɔɔnbiit damm toona paaki.

A daa te ki li mɔka funfunn binba tuun toonbiit na paaki.

2Bi tan saa boonte nan mɔɔt nba tuu koor na,

ki bia kpo nan mɔmaata nba tuu tan koor na.

3Teent Yennu yada kii tuun linba ŋan,

ki li saa te ki a be tiŋ na paak nan laafia.

4Lomin parpeenn Yennu boor,

ki u saa tura a par nba loon linba.

5Jiin a mɔŋ ki tur Yennu.

Teent Yennu yada, ki u saa somma.

6U saa te ki a kasii binbeŋ na n nyirik nan sanyayondoor na,

ki te ki a barmɔnii binbeŋ-ii yeen nan yonsupeeuŋ ni na.

7Teent sukuru ki guur Yennu ki wun tun.

A daa te ki li daamiia binba tuun toonbiit,

8A daa te ki li daamiia ki a dont wutoor ki gbit a kpak,

ŋanne baat nan toonbiit.

9Yennu saa boon toonbiit damm nawa,

ŋaan binba mɔk dindann ki guu Yennu nae tan saa yent tiŋ na.

10Li kan yann kaawa ki nɔɔnbiit damm na ji tan sii kaa.

Ki i tan saa lon bi boor ŋaan kan la.

11Binba sikin bi mɔŋe tan saa yent tiŋ na.

Ki li mɔkint nan parmaasir sii tee bi yar.

12Nɔɔnbiit damm lorin bi lora, a bin biir niŋamm nae,

ki namm ki ŋman nyana.

13Yennu laa nɔɔnbiit damm nae,

kimaan u mi nan bi boontu daar per na.

14Nɔɔnbiit damm saatir bi jukbanjai

a bin kpi talas damm nan nandamm biak ni,

15ŋaan bi tiɔŋ jukbanjai maŋe saa kpib,

ki bi tɔrbana n bia kɔnn.

16Niŋanɔ mɔkint-i waar,

ŋaan li chee nɔɔnbiit damm kur mɔkint nba yab.

17Kimaan Yennu saa nyinn nɔɔnbiit damm paŋa,

ŋaan somm binba tuun toonŋana.

18Yennu saa guur binba saak u maan,

ki te tiŋ na-ii tee bi yar mɔkmɔk nan mɔkmɔk.

19Ki bi kan di fara, biak yoo,

ki kon yoo, bi sii laat jeet ki li jaŋitib.

20Ŋaan nɔɔnbiit damm na ŋarin saa kpoe,

ki Yennu datai na saa bote nan tipuuk na.

Bi saa yate nan munyuuk na.

21Nɔɔnbiit daanɔ kpentir, ŋaan ki ki pa jiint,

niŋanɔ ŋarin teen nan u par kure.

22Damm nba ki Yennu teen piisin bi paak na,

ŋaan binba ki u sat mɔtont bi paak na, u saa ber nyinniba.

23Li-i tee ki Yennu par peen wunba paak,

24Ki li-i tee ki u baa, u kan kpakin tiŋ ni,

kimaan Yennu saa sommɔ ki wun fiir.

25N tee nikpere ki wei bonchiann,

ŋaan n ki ban la niŋanɔ nba Yennu nyikɔ yann,

koo ki te ki u waas mei jeeti.

26U tuu piine, ki bia kpentir ki teen u leeb yoo kur,

ki u waas tee piisin ki turɔ.

27Nyikin toonbiit ŋaan kii tuun toonŋana,

ki fin nan a waas saa wei tiŋ na ni,

28kimaan Yennu loon linba ŋan,

li paak, ki u ki nyikin niib nba tuun u loomm na yanni,

ki guub yoo kur, ŋaan beer nɔɔnbiit damm maaru ki nyintib.

29Niŋamm nae saa yent tiŋ na,

ki kar li ni mɔkmɔk nan mɔkmɔk.

30Mɔbonŋana nyi niŋanɔ boor ki tee subinii maame,

ki u lamm piak linba took,

31ki u dia Yennu sennu u par ni, ki ki nyikin.

32Nɔɔnbiit daanɔ guu niŋanɔe,

ki koor a wun nyinn u manfoor.

33Ŋaan Yennu kan nyikib bi datai nuu ni,

koo bii saan namm buut ni, bi kan pak biiribi.

34Guut Yennu yoo, kii dia u sennu,

ki a tan saa la nɔɔnbiit damm biiru yoo.

35N ban la nɔɔnbiit daanɔ nba ton bonchiann,

ki bia laat yiikoo nan kpek nba tuu la sinsetboor

36Ki li poor po ki n tan gar ki ji ki la u leŋi,

ki n lommɔ, ŋaan ki ki lau.

37Dukint niŋanɔ po, daanɔ nba be kasii binbeŋ;

parmaasir daanɔ mɔk yaaboona.

38Yanbɔndamm kur saa boonta, ki bi maaru bia saa boonta.

39Yennu-e tint niŋamm, ki guub yoo nba ki bi be fara ni.

40Ki u sommitib, ki fiarib; u fiarib nɔɔnbiit damm boor,

ki tint bi manfoa, kimaan bi baat ki gurin u niŋe.