Niipoturu yaŋ
1Turin Yennu niipoouk man, kimaan u ŋan,
u lomm kaa gbennu.
2Turin Yennu nba gar yenbis kur na niipoouk,
u lomm kaa gbennu.
3Turin wunba tee yomdamm kur Yomdaanɔ na niipoouk,
u lomm kaa gbennu.
4U kɔɔe tuun bakitnauŋ toonjaana,
u lomm kaa gbennu.
5U jii u subiniie ki nan tingbouŋ na,
u lomm kaa gbennu.
6U senn tingbouŋ, ki li paa nyun paak,
u lomm kaa gbennu.
7Ŋɔɔe nan yonnu nan ŋmaarik,
u lomm kaa gbennu.
8Ki yonnu na sii dia daar;
u lomm kaa gbennu.
9Ki ŋmaarik nan ŋmaabira sii dia nyiɔk,
u lomm kaa gbennu.
10U din kpii Ijipt teeb bijakpera,
u lomm kaa gbennu.
11U din nyinn Israel teeb Ijipt tiŋ ni,
u lomm kaa gbennu.
12U jii u nuu paŋ nan u kpinkpouŋ paŋe,
u lomm kaa gbennu;
13ki bɔkit Mɔkmuŋ na,
u lomm kaa gbennu,
14ki te ki Israel teeb tɔkin leŋ,
u lomm kaa gbennu,
15ŋaan te ki Ijipt kpanbar nan u jab dii nyun,
u lomm kaa gbennu.
16U din jii u niibe ki saan namm kunkoouk paak,
u lomm kaa gbennu.
17U din kpii kpanbara nba mɔk yiikoo,
u lomm kaa gbennu.
18U din kpii kpanbarjaana,
u lomm kaa gbennu:
19Amor teeb kpanbar Sihonn,
u lomm kaa gbennu,
20nan Basann kpanbar Og,
u lomm kaa gbennu,
21Ki jii bi tinii ki tur u niib,
u lomm kaa gbennu.
22U din jiir ki tur u niib Israel teebe,
u lomm kaa gbennu.
23Baa din nyannit na, u din ki tamm ti po,
u lomm kaa gbennu.
24Ŋɔɔe din nyinnit ti datai nuu ni,
u lomm kaa gbennu.
25Ŋɔɔe teen bonfoor kur jeet,
u lomm kaa gbennu.
26Turin Yennu nba be yendɔuŋ ni na niipoouk,
u lomm kaa gbennu.