1Ki Job jiin a: 2A mantik mɔk sommir nlee ki teen min janandaanɔ nan butimɔɔ na? 3Nlee ki a mantik teen kpaanŋanii ki biitir a bannu ki teen min jatuk na? 4A dukii nan ŋmee saa fit gbiint a mɔmaan na kuri? Ŋmee somma, ki a fit pak nna?
((Bildad mɔmaan))
5Ki Bildad jiin a: Kpeemm sei nba be nyun ni, tinpɔɔr ni na jekire. 6Kpeen tiŋ na loot yaae Yennu boor; ki siar ki dɔɔkir u boori. 7Yennu-e tant sanpaak nba be niigaŋ po na, ki jɔnn tingbouŋ na, ki siar ki diari. 8Yennu-e gbeent sanpagbouŋ na nan nyun, ki diar, ki li kpiasu na ki te li puti. 9Ŋɔɔe lat sanpagbouŋ, ki li dɔɔk ŋmaarik. 10Ŋɔɔe te ki sanpaak nan mɔkgbeŋir chet leer, ki bia bɔkit yentu ki nyinnir bunbɔnn ni. 11Wuu taŋi ŋak jaantarii nba dia sanpaak na yoo nba, ki bi damm ki jekir nan jaŋmaanii. 12U paŋe ki u jii ki nyann mɔkgbeŋir, ki bia jii u bannue ki biir mɔkgbeŋir ni bonsusoouk nba ki bi yiu Rahab na. 13U foome te ki sanpaak yeen. U nuue kpii bonsusoouk nba tiin a wun paak na. 14Ŋaan linba na kur tee u paŋ na waame, ŋanne tee lɔkinii nba ki ti gbat. Ŋmee saa fit bann Yennu nba mantik mɔk paŋ biaŋinba?
Job mɔmaan